Բջջային հավելվածների մշակում

Python

Python․ Դյուրին սկիզբ՝ հզոր ծրագրավորման աշխարհում

Python-ը բարձր մակարդակի բազմաֆունկցիոնալ ծրագրավորման լեզու է, որը հիանալի է ինչպես սկրիպտների, այնպես էլ ամբողջական հավելվածների ստեղծման համար։ Այն կիրառվում է առաջատար ընկերությունների՝ Google, Intel, Cisco կողմից, իսկ YouTube-ը և Instagram-ը հիմնված են հենց այս լեզվի վրա։

Python-ը հայտնի է իր պարզ և ընթեռնելի շարահյուսությամբ, ինչը դարձնում է այն իդեալական առաջին լեզու սկսնակների համար։ Այն մնում է աշխարհի ամենապահանջված լեզուներից մեկը։

Դուք կսովորեք․

• Ծրագրավորել Python լեզվով՝ զրոյից սկսած
• Օգտագործել փոփոխականներ, պայմաններ, ցիկլեր և ֆունկցիաներ
• Աշխատել տվյալների կառուցվածքների հետ (ցանկեր, բառարաններ և այլն)
• Կարդալ և գրել ֆայլեր, կիրառել մուտք/ելք
• Տիրապետել ծրագրավորման հիմնական հասկացություններին և զարգացնել տրամաբանական մտածողություն

Java

Java․ Օբյեկտակենտրոն ծրագրավորում և հարթակներից անկախ ծրագրերի մշակում

Java-ն աշխարհում ամենահայտնի օբյեկտակենտրոն ծրագրավորման լեզուներից է։ Այն կիրառվում է սերվերային ծրագրերի, հավելվածների, վեբ կայքերի, խաղերի և այլ ծրագրերի ստեղծման մեջ։ Java լեզվով ստեղծված հավելվածները կարող են աշխատել ցանկացած համակարգչում՝ անկախ սարքի ճարտարապետությունից։

Դասընթացում դուք մանրամասն կսովորեք Java լեզվի շարահյուսությունն ու կառուցվածքները, կծանոթանաք JDK հարթակի հնարավորություններին և ամեն ինչ կամրապնդեք գործնական օրինակներով։

Դասընթացը հարմար է թե՛ սկսնակ, թե՛ փորձառու ծրագրավորողների համար, ովքեր ցանկանում են զարգացնել իրենց հմտությունները՝ ստեղծելով հուսալի, հարթակներից անկախ օբյեկտակենտրոն կոդ։

Դուք կսովորեք․

• Աշխատել Java լեզվի շարահյուսության և կառուցվածքների հետ
• Կիրառել օբյեկտակենտրոն ծրագրավորման սկզբունքները
• Օգտագործել JDK-ի գրադարաններն ու գործիքները
• Ստեղծել հարթակներից անկախ ծրագրեր
• Մշակել կայուն և ընդլայնելի ծրագրային լուծումներ

C#

Ծրագրավորում C# լեզվով՝ .NET Framework հարթակի կիրառմամբ

Դասընթացը ստեղծում է ամուր հիմք C# ծրագրավորման լեզվի համար և նախապատրաստում ուսանողներին .NET հարթակի հետ հետագա արդյունավետ աշխատանքի։ Դասընթացը անցկացվում է Microsoft Visual Studio մշակման միջավայրում, որը ներառում է ծրագրի ամբողջական մշակման ցիկլը՝ սկսած ճարտարապետության նախագծումից մինչև թեստավորում և կարգավորում։

Դուք կծանոթանաք C# լեզվի շարահյուսությանը, կսովորեք .NET հարթակի նորարարական հնարավորությունները, կաշխատեք LINQ տեխնոլոգիայի հետ, ինչպես նաև կկիրառեք Ruby և Python լեզուների ինտեգրացիան։

Դուք կսովորեք․

• Ծրագրել C# լեզվով՝ օգտագործելով օբյեկտակենտրոն մոտեցում
• Արդյունավետ օգտագործել .NET Framework հարթակը
• Աշխատել տվյալների հետ՝ օգտագործելով LINQ
• Ինտեգրել C# լեզուն Ruby և Python լեզուների հետ
• Մշակել, կարգավորել և փորձարկել հավելվածներ՝ Visual Studio միջավայրում